Zwäschprochicher Fasenachtsgoddesdinscht im Lotte-Sticher-Haus.

Am Sundach vor Fasching hot unser Kirchegemäh en Fasenachtsgoddesdienscht im Lotte-Sticher-Haus gfeiert. S,Presbyterium hot jo beschlosse, dass im Frühjohr während de kalte Johreszeit die Goddesdienschde wäche de hoche Heizkoschde im LSH statt finnen.

So hänn sich dann 35 Leit, inklusiv de Parre und d‘Orchlern am Sunndach getroffe. De Goddedienscht war zwäsprochich, nämlich pälzsich und hochdeitsch. Im Haus wars agenehm warm, mer hot kinne de Mandel auszieche.

Gleich beim erschde Lied uff pälzisch hot mer gemerkt, dass es garnid so äfach esch bekannde Lieder uff pälzisch zu singe. „Wenn morchens die Sunn scheint, grad wie am Afang“.

De Parre hot am Afang gsacht, dass die Narre lous sinn un dass die uns ach manchmol de Spichel vorhalde dun.

Als Lesung hot Dahle Ilse des Gleichnis vum verlorene Sohn uff pälzisch vorgelese. Dann hänn die Kabaredischde er Lied „Über siewe Bänke muss ich sehn“ gsunge. Die Kirch soll ach am Fasching segne hot de H. Parre gsacht. Die Predicht war nit uff pälzisch awwer fer des gereimt. Do waren Witz un Annegdode drinn, awer ach mahnende Wörder aus de Gschicht vom Prophet Amos. Dann hän die Kabaredischde noch emol musikalisch gschpült un gscheuert.

Vorm Seche hot sich de Parre bei de Orchlern, de Kirchedienern, em Kabarett, de Dahle Ilse und de Bourquine Hildegard fer die Midhilf bei der Gschtaldung des Vormiddachs bedankt.

Aschließend hän sich die Goddesdienschtbesucher an denne vun de Hildegard Bourquin wirklich schäi hergerichde Disch zum Verzehle bei Kaffee und Fasenachtskichle hiegsetzt.

Hari